Манчестер Јунајтед одби нова понуда за својот играч за врска Скот Мектомини, пренесуваат англиските медиуми.
Минатата година „црвените ѓаволи“ одбија понуда од Вест Хем од околу 30 милиони фунти, а сега одбија една од Фулам која беше помала.
Работата е во тоа што Шкотланѓанецот е веќе во последната година од договорот, што значи дека неговата цена во моментов не е толку висока. Ако клубот му го продолжи договорот за уште една сезона, тогаш ќе биде поинаку.
Минатата кампања, иако често доаѓаше од клупата, Мектомини постигна одлични 10 гола и покажа дека може да биде клучна фигура.
Од Јунајтед веројатно се надеваат дека можат да добијат подобри пари од Галатасарај, кој веќе преговара за играчот, но се уште не е јасно дали ќе се постигне договор.
Сепак, чувството е дека од „Олд Трафорд“ претпочитаат да се разделат со играчот од средниот ред, како што тоа ќе го направи со Мејсон Гринвуд кој се пресели во Марсеј и Арон Ван-Бисака, кој најверојатно ќе биде продаден за околу 15 милиони на Вест Хем.