По повод убиството на малата Вања, основачот на српската фондација „Тијана Јуриќ“, Игор Јуриќ изјави дека како татко чија ќерка доживеала слична судбина бил длабоко потресен, и дека тој следел се што се случувало од ден на ден во врска со потрагата по девојчето.
– Како човек кој денес води организација која се занимава со исчезнати деца и лица, она што особено ме потресе е тоа што ја добивме информацијата дека таткото е вмешан во тоа, рече Јуриќ во гостување на српската телевизија „Пинк“.
Како што вели, не може да најде зборови ниту разбирање за таков гест.
– Ако зборуваме за родител кој го изневерува своето дете и го продава на таков брутален начин, тогаш тоа е нешто што не само што не може да се прости, туку мора да се казни – рече Јуриќ.
За жал, вели тој, сведоци сме дека има луѓе кои се подготвени да ги жртвуваат своите деца и немаат пречки да добијат некаков бенефит.
– Мислам дека Македонија мора да размислува за воспоставување подобар систем на потрага по исчезнати деца – рече Јуриќ.