Јужна Кореја и САД ги започнаа најголемите воени вежби од 2017 година

Јужна Кореја и САД денеска ги почнаа најголемите заеднички воени вежби од 2017 година, соопштија јужнокорејските власти.

Годишните летни вежби треба да завршат на први септември, а јужнокорејскиот претседател Јун Сук-Јол, кој ја презеде функцијата во мај, вети дека ќе ги „нормализира“ заедничките вежби со САД и ќе го зајакне военото одвраќање против Северна Кореја, објави „Ројтерс“.

Сеул одделно започна четиридневна вежба за цивилна одбрана со цел зајакнување на подготвеноста на владата, прва од почетокот на пандемијата на корона.