Јужна Кореја одобри употреба на вакцината АстраЗенека за луѓе од 65 години и постари за зајакнување на имунизацијата, откако новото истражување покажа ефикасност на вакцината.
Центрите за контрола и превенција на болести (КДЦА) првично ја исклучија вакцинацијата на стари лица со вакцини развиена од британско-шведската компанија АстраЗенека и Универзитетот Оксфорд, повикувајќи се на недоволни клинички податоци.
КДЦА изјави дека кампањата за имунизација сега ќе овозможи употреба на производите АстраЗенеке за сите возрасни лица, вклучително и здравствени работници и пациенти во установи за долготрајна нега, кои се меѓу приоритетите, пренесува Јонап.
Независниот одбор на Министерството за здравство претходно препорача вакцината АстраЗенека да биде одобрена за стари лица, откако неколку европски земји ги поништија одлуките за вакцинирање со две дози.
Одлуката за укинување на старосната граница се заснова на податоци објавени во Англија и Шкотска.
Британските здравствени власти објавија дека вакцината е ефикасна повеќе од 80 проценти во спречување на хоспитализации поради ковид-19 кај лица постари од 80 години по единечна доза.
Повеќе од 433 000 луѓе во светот се разболеа во претходните 24 часа
Повеќе од 433 000 случаи на коронавирус се регистрирани во претходните 24 часа во светот, со што бројот на пациенти се искачи на 117,33 милиони, објави синоќа Светската здравствена организација (СЗО).
Според СЗО, бројот на смртни случаи се зголемил за повеќе од 7.400 во претходните 24 часа, па повеќе од 2,6 милиони пациенти починале, објави ТАС С.
Северна и Јужна Америка имаат најчесто регистрирани случаи со корона, повеќе од 43 проценти во светот (187.841), следени од Европа (172.812) и на крај Источниот Медитеран (35.772).