Кабинетот на претседателката на Косово потрошил 86.000 евра, еве за што биле дадени најмногу пари

Претседателството на Косова објави дека кабинетот на претседателката Вјоса Османи во првите шест месеци од годинава потрошил над 86.000 евра.

Во кабинетот на косовската претседателка се вработени 19 лица.

Османи и нејзиниот кабинет потрошиле најмногу пари за патни билети во странство (48.968 евра), јавуваат приштинските медиуми.

За сместување за време на патувањето потрошиле 12.658 евра, а за гориво 9.000 евра.

Официјалните ручеци и вечери чинеле 3.455 евра, додека протоколарниот коктел по повод Неделата на жената чинел 1.000 евра.