По продажбата на сликата Salvator Mundi (Спасителот на светот) на Леонардо да Винчи за рекордни 450 милиони долари во 2017 година, уметничкото дело потона во мистерија.
Сликата се очекуваше да биде прикажана на изложбата во филијалата на Лувр во Абу Даби во 2018 година, но тоа не се случи, пишува Business Insider. Претходно оваа недела, Artnet соопшти дека сликата се наоѓа на суперјахтата на својот сопственик, имено крунисаниот принц на Саудиска Арабија, Мохаменд бин Салман.
Цитирајќи „две официјални лица кои се вклучени во трансакцијата“, Artnet посочува дека Salvator Mundi била носена среде ноќ од авионот на Салман до неговата јахта. Јахтата, со име Serene, вреди повеќе од сликата како, откако е купена од рускиот бизнисмен Јури Шефлер за 500 милиони евра во 2015 година, тврди „Њујорк тајмс“.
Бродот претходно беше изнајмен на милијардерот Бил Гејтс за сума од 5 милиони долари неделно.
Според изворите, сликата ќе остане на јахтата, додека Бин Салман не ја комплетира трансформацијата на древниот саудиски град Ал-Ула во културен центар.
Користејќи ја апликацијата MarineTraffic, која ја лоцира локацијата на бродови, вклучувајќи и суперјахти, британскиот весник „Гардијан“ укажува дека Serene се наоѓа во Порт Саид, Египет.
Поставувањето на уметнички дела на јахта е тренд меѓу најбогатите луѓе во светот, а има мислења дека некои слични бродови содржат повеќе уметност од некои национални музеи. Тоа крие ризик од оштетување на делата, откако не недостасуваат примери за ваков развој на настаните. Минатото се сеќава на скапи слики, измачкани со закуски од деца на милијардери или оштетени слики од тапи од шампањско.
Salvator Mundi е опкружена со скандали, а некои експерти се расправаат околу нејзиното потекло. Минатиот месец сликата отпадна од планирана изложба во Лувр по повод 500 години од смртта на Леонардо да Винчи, бидејќи кураторите не веруваат дека авторството може да се припише само на познатиот уметник и пронаоѓач.