Преговорите меѓу Галатасарај и Наполи околу потпишувањето на Виктор Осимен продолжуваат. Од една страна, се чини дека договорот се приближува секој ден, но има некои детали за кои двете страни не можат да се договорат.
Двете страни се чини дека постигнале договор за вкупната цена на обештетувањето. Наполи треба да ги добие посакуваните 75 милиони евра, но проблемот е динамиката на плаќањето.
Наполи сака 40 милиони евра веднаш, а 35 милиони евра да бидат платени во текот на 2026 година. Галатасарај се согласи на 40 милиони веднаш, но сака да ја продолжи втората транша од 35 милиони евра до 2027 година.
Исто така, Наполи сака клаузула за процентот од следната продажба да биде вклучена во трансферот, кој би му припаднал на шампионот на Италија, за што турскиот шампион дури и не сака да чуе. Двете страни се уште се на преговарачка маса, па ќе видиме што ќе донесат следните денови и часови.