Чеченскиот лидер и еден од најблиските сојузници на рускиот претседател Владимир Путин, Рамзан Кадиров, се огласи на Телеграм по руските напади утринава ширум Украина.
„Зеленски се жали поради нападот… А што мислеше ти, наивен Зеленски: Ти можеш, а другите не можат? Со други зборови, осум години можеше да се бомбардираат цивили, да се уништува инфраструктурата на градовите во Луганск и Доњецк, да се гранатира нуклеарната централа, да се разнесуваат мостови, да се пука во важни објекти, но кога е во прашање вашата глава, одеднаш е невозможно за било кого?“, наведе Кадиров и додаде:
„Те предупредивме Зеленски дека Русија сè уште не ни започнала, затоа престани да се жалиш. Подобро бегај пред се да те стигне. Бегај Зеленски, трјач кон Западот без да гледаш назад“.
На крајот Кадиров порача дека „сега е 100 отсто задоволен од специјалната воена операција“.