Кадиров: Повеќе од 7.000 чеченски борци се во зоната за специјалните операции

Повеќе од 7.000 чеченски борци се во зоната за специјалните операции, соопшти денеска чеченскиот претседател Рамзан Кадиров.

„Од почетокот на специјалната операција, повеќе од 28.000 борци се испратени од Чеченската Република во борбената зона, вклучително и повеќе од 13.000 доброволци. Во моментов има повеќе од 7.000 борци“, напиша Кадиров на социјалната мрежа ВКонтакте,  пренесе Риа Новости.

Тој истакна дека чеченските единици се вклучени по целата линија на фронтот.