Христијан Мицкоски е непознавач на политиката, на економијата, но пред се на енергетиката. Бројни се неговите лаги и промашувања кога во прашање е енергетскиот сектор, порача денеска пратеникот и портпарол на СДСМ, Дарко Каевски.
Според него, лидерот на опозицијата искажа неколку лаги во изминатиот период.
-Прва и најголема негова лага беше дека цената на струјата за домаќинствата и компаниите драстично ќе поскапи. Цената на електричната енергија ќе се зголеми за 40 до 50 отсто предвидуваше Мицкоски. Но во реалноста не само што нема зголемување на цената, не само што граѓаните не плаќаат повисоки сметки за струја, туку цената на електричната енергија е сериозно намалена за 72.000 компании.
Мицкоски, заложникот на Левица и Димитар Апасиев, предвидуваше и дека енергетскиот систем ќе колабира, дека цели градови ќе се соочуваат со рестрикции во зимата. Не само што немаше рестрикции, туку енергетскиот систем на државата работеше со сите кашацитети какко никога претходно во последните 70 години, а домашното производство на струја е зголемено во периодот јануари – февруари 2023 година.
Ја плашаше Мицкоски јавноста и дека ќе нема доволно гас за грејната сезона, бараше да се купува гас за цела зима во време кога овој енергенс беше со највисока цена.
Цената на гасот драстично падна, а државата ако го послушаше Мицкоски ќе беше над 100 милиони евра во зијан, кажа Каевски на прес-конференција.