Врапчињата на гранките веќе знаат дека основните симптоми на коронавирусот се температурата, континуираната кашлица, како и губењето на мирис и вкус. Како и да е, може да бидете изложени на ризик од коронавирус доколку го развиете и овој необичен симптом на вашата кожа.
Еден од невообичаените предупредувачки знаци на коронавирус е осип на кожата, кој обично се појавува во форма на црвени дамки што чешаат, според „Covid Symptom Study“.
„Точките“ може да бидат малку зголемени и најверојатно може да траат неколку недели.
Иако осипот може да влијае на кој било дел од телото, најверојатно се развива на лактите и колената.
– Тие треба да се сметаат за клучни дијагностички знаци на болеста што може да се појават дури и кога нема други симптоми. Откриено е дека дури 8,8 проценти од луѓето кои имале позитивен тест, имаат осип како дел од нивните симптоми – рече д-р Вероника Батил од Кралскиот колеџ во Лондон.
Постојат неколку вирусни инфекции кои влијаат на кожата, па затоа не е големо изненадување што короната има сличен ефект, додаде таа.