Маслиновото масло често се нарекува течно злато, а експерти се согласуваат дека има бројни здравствени придобивки.
Без разлика дали пиете половина лажица или го додавате во вашиот оброк, здравствените експерти се согласуваат – не постои погрешен начин да се внесе маслиново масло во организмот, а студиите покажуваат дека нешто повеќе од половина лажица е доволна за да се направи разлика.
Маслиновото масло е преполно со антиоксиданси и други здрави соединенија кои нема да ги најдете во животинските или преработените масти. Истражувањата покажуваат дека оние кои прават промени во исхраната ќе уживаат и долга листа на здравствени придобивки.
Една од најчестите придобивки поврзани со маслиновото масло е неговата употреба како природен лаксатив. Маслиновото масло може да помогне во овој проблем – мастите помагаат да се смири внатрешноста на цревата и да се омекне столицата, помагајќи ѝ да апсорбира повеќе вода.
Истражувањата исто така покажаа дека додавањето повеќе маслиново масло во исхраната може да го намали ризикот од деменција – седма водечка причина за смрт, според Светската здравствена организација.
„Некои антиоксиданси во маслиновото масло можат да ја преминат крвно-мозочната бариера, потенцијално да имаат директен ефект врз мозокот“, вели д-р Ана-Џули Тесиер од Харвард.
Таа додаде дека е можно маслиновото масло да има индиректно влијание врз здравјето на мозокот со тоа што влијае на здравјето на кардиоваскуларниот систем.
Маслиновото масло е исто така главен дел од медитеранската исхрана, за која постојано се покажува дека го намалува ризикот од кардиоваскуларни болести – особено коронарна срцева болест – и ризикот од смрт од која било причина.
Други студии покажаа дека консумирањето повеќе од половина лажица од ова масло дневно може да го намали ризикот од невродегенеративни болести, како и од респираторни заболувања.
Посебно е корисно да пиете една или две лажици маслиново масло рано наутро на празен стомак. Ова му овозможува на маслото да го обложи желудникот за да го помогне варењето, да го исфрли отпадот и да ја регулира цревната микробиота во текот на денот.