Како сами да го забележиме недостатокот на витамин Б12?

од Vladimir Zorba

Витамини и минерали се многу важни за здравјето и урамнотежено функционирање на организмот. Со оглед на брзото темпо на живот и зголемената употреба на брза храна, поверојатно е дека на нашето тело ќе му недостасуваат одредени количини на витамин, ако не ги замениме на друг начин.

Еден од важните витамини за нашето тело е витамин Б12 (кобаламин) и фолна киселина, на кои бремените жени честопати посветуваат посебно внимание.

Покрај железо, коскената срцевина има потреба од витамин Б12 и фолна киселина за производство на црвени крвни клетки.Ако недостасува некој од нив, може да се развие мегалобластна анемија во која коскената срцевина создава неправилни форми на еритроцити.

Симптоми на недостаток на витамин Б12

Првите симптоми кои укажуваат на недостаток на витамин Б12, што можеме да ги увидиме и самите, се зголемен страв и чувство на напнатост, проблеми со концентрацијата, косата и кожата (егзема, дерматитис, габи), замор и болка во мускулите.

Симптомите започнуваат со ненадејна малаксаност со зголемен ритам на срцето. Честопати овие непријатни симптоми се придружени со бледило на лицето, губење на апетит, надуеност и дијареја.

Може да има чувство на печење на јазикот, особено кога јадете кисела храна, и има потешкотии при помнење и пецкање на нозете или рацете.

Со недостаток на овој витамин, некои луѓе се чувствуваат како да им поминува струја низ телото од глава до пети.

Може да се појави и пецкање и вкочанетост, што е резултат на оштетување на нервите предизвикано од ниско ниво на кислород во клетките.

Во најтешките случаи може да се појават сериозни здравствени проблеми, како што се сериозно оштетување на нервите на ‘рбетниот мозок, што исто така може да предизвика парализа.

Вртоглавица

Истражувањата покажаа дека луѓето кои се жалат на силна вртоглавица имале до 40 проценти пониско ниво на витамин Б12 во споредба со здравите луѓе.

Луѓето со недостаток на витамин Б12 се исто така повеќе склони кон депресивно расположение. Ако ги забележите овие симптоми, консултирајте се со вашиот лекар за да утврдите дали навистина станува збор за недостаток на овој важен и неопходен витамин за организмот.

Витамин Б12 во храната

Витамин Б12 се наоѓа во храна од животинско потекло. Природни извори на овој витамин се месо, црн дроб, риба, сирење, млеко, јајца и школки.

Сепак, некои житни култури исто така можат да бидат добар извор на овој витамин, разни производи од соја и пивски квасец.

Во помали количини го има во цвекло, семе од сусам, лешници, соја и алги.

Добар извор на овој витамин е киселата зелка, како и целата храна што содржи млечна киселина, како кисел зеленчук.

Кога станува збор за луѓе кои избираат вегетаријанска исхрана, тие треба да го заменат овој витамин на друг начин, за да не се соочат со неговиот недостаток.

loading...

Слични содржини