Потписот на Матаис де Лихт нема да доведе до разделба со ниту еден од другите дефанзивци во Баерн (Минхен), појасни извршниот директор Оливер Кан. Поради доаѓањето на Холанѓанецот, медиумите шпекулираа дека клубот ќе мора да продаде или барем да префрли еден од останатите, но очигледно нема план за такво нешто.
„Во моментов не размислуваме за разделба со никого“, изјави Кан за „Абендцајтунг“. – Нема ништо подобро од тоа да имате фудбалери кои можат да играат на различни позиции – Бенџамин Павард, Лука Ернандез, Танги Нианзу…“.
Поранешниот голман привлекува внимание на фактот дека сите споменати тројца можат да делуваат не само како централни дефанзивци, каков што е Де Лихт.
Сепак, Баерн ќе се раздели со уште еден свој дефанзивец – Крис Ричардс, кој беше испратен на позајмица во Хофенхајм во изминатите две сезони.
Младиот Американец не замина со тимот на турнеја во САД бидејќи е пред трансфер во Кристал Палас.