Легендарниот италијански тренер Фабио Капело изјави дека Зинедин Зидан веќе има повеќе власт
во Реал Мадрид, откако се врати на „Сантијаго Бернабеу“.
„Бев изненаден од одлуката на Зидан да се врати во Реал Мадрид, навистина. Мислам дека сега тој
има повеќе моќ отколку пред тоа, бидејќи тогаш Флорентино Перез го постави за прв пат, а сега
претседателот го замоли да се врати на тренерската клупа“, прокоментира Капело.
„Мислам дека Реал Мадрид може да си дозволи да привлече максимум тројца-четворица
квалитетни фудбалери, но тоа само Зидан знае и оние кои се одговорни за трансферната политика“,
додаде Италијанецот.
„Заминувањето на Роналдо е главната причина за падот на перформансите на Реал Мадрид. Со
него, ривалите се плашеа од Реал Мадрид“, додаде тој.
Капело утврди Лионел Меси како најдобар играч во светот.
„Едно е да бидеш аутсајдер и друго е да си гениј. Разликата е огромна. Генијот го прави она што
никој друг не може да го замисли. Барселона и Реал Мадрид почнуваат секој натпревар со
предност од 1:0 и ако сакате да ги победите, треба да постигнете минимум два гола.
Овогодинешниот Реал Мадрид го пропушти ова водство од 1:0 на почетокот на секој меч. Тие
започнаа како и другите тимови од 0:0 и имаа многу тешкотии“.
Фабио Капело ги одреди Манчестер Сити и Јувентус како фаворити во Лигата на шампиони и се
разбира дека не заборави да ја постави и Барселона како кандидат за трофејот.