Коалицијата од партии „Бугарски патриоти – ВМРО-БНД, ВОЛЈА И НФСБ“ јавно потпиша Декларација предложена од 8 научници, повикувајќи ги сите партии што учествуваат на изборите на 11 јули, јасно да кажат дека нема да отстапат во однос на членството на Македонија во Европската унија, објави БГНЕС.
Лидерот на ВМРО-БНД Красимир Каракачанов изјави дека оваа иницијатива дошла апсолутно на време и тоа од: акад. Георги Марков, проф. Казимир Попконстантинов, проф. Пламен Павлов, проф. Христо Проданов, проф. Трендафил Митев, доц. д-р Александар Гребенаров, доц. д-р Георги Николов.
Според него, оваа иницијатива е навремена затоа што има потреба од континуитет во надворешната политика.
„Постојат некои теми на кои страните не треба да се согласуваат и тоа се темите поврзани со националниот интерес, надворешната политика и националната безбедност на Бугарија. Темата со Северна Македонија ги опфаќа овие три прашања за кои зборувам“, рече Каракачанов.
Според него, сега е време политичките формации да се посветат на идната политика на Бугарија.