Ниските температури лошо влијаат на телото, принудувајќи го срцето да работи понапорно за да се загрее. Ова е причината зошто зимата може да биде предизвик за оние со срцеви проблеми. Луѓето со ослабено срце треба посебно да се грижат за своето здравје во студените месеци.
Зголемениoт број на отчукувања на срцето во зима може, во екстремни случаи, да доведе до сериозни компликации, вклучително и срцев удар.
Кардиологот Абхиџит Борс укажа на грешки кои можат да го зголемат ризикот од проблеми со срцето во текот на зимската сезона.
Несоодветна облека
Треба да ги преземеме вистинските чекори за да го одржиме нашето тело топло во зима. Ако не го сториме тоа, нашето срце ќе биде под поголем притисок да пумпа повеќе крв за да нè загрее.
Носењето топла облека, капи, волнени ракавици, особено слоевитоста ќе го намали овој ризик бидејќи дебелината на облеката помага да се задржи топлината.
Прекумерна активност
Да се биде активен е важно, но прекумерната активност може да го зголеми отчукувањата на срцето, да го зголеми крвниот притисок и да го зголеми ризикот од срцев удар.
Затоа не треба многу да се оптоваруваме. Клучот е да направите пауза и да дозволите вашето срце и тело да се опорават.
Дехидрација
Во зима не пиеме доволно вода поради ниските температури, а симптомите на дехидрација во организмот тешко се забележуваат.
Но, поради овие причини, хидратацијата е уште поважна, особено што се однесува на здравјето на срцето. Кога сме дехидрирани, тоа дополнително го оптоварува срцето, зголемувајќи го отчукувањата на срцето и ризикот од болести, објасни Борс за „The Health“.
Прекумерно консумирање алкохол
Алкохолот може да ни помогне да се загрееме во студените зимски месеци, вели кардиологот. Сепак, тој советува да се пие умерено бидејќи прекумерното консумирање може да го зголеми ризикот од срцеви заболувања, пренесува „Index.hr“.
Кога температурата е ниска, тоа предизвикува стеснување на крвните садови. Ова, во комбинација со прекумерно консумирање алкохол, може да предизвика мозочен или срцев удар.