Ултра-преработената храна е главниот непријател
„Со намалување на ризикот од срцеви заболувања, директно го намалувате и ризикот од срцев удар“, вели д-р Бабу-Нарајан. Таа потенцира дека најштетна за срцето е ултра-преработената храна, која вклучува:
- Колбаси, шунка и други преработени меса
- Индустриски произведен леб и житарки за појадок
- Инстант супи, чипс, бисквити
- Сладоледи и овошни јогурти
Овие производи често содржат високи нивоа на заситени масти, сол и шеќер – три ризични фактори за срцеви заболувања.
Што препорачува кардиологот?
Д-р Бабу-Нарајан советува:
- Намалете го внесот на шеќер и сол
- Избегнувајте ултра-преработена храна
- Јадете повеќе овошје, зеленчук и интегрални житарки
Дополнително, редовната физичка активност (најмалку 150 минути неделно), одржувањето на здрава тежина, престанокот со пушење, и редовната контрола на крвниот притисок и холестеролот се клучни за зачувување на здравјето на срцето.
Како да ги препознаете симптомите на срцев удар?
Навремено препознавање на симптомите може да спаси живот. Најчестите симптоми се:
- Болка или притисок во градите
- Болка што се шири кон вратот, рамената, грбот или вилицата
- Вртоглавица, слабост, потење
- Отежнато дишење
- Гадење, повраќање или чувство на паника
Ако почувствувате некој од овие симптоми, веднаш побарајте медицинска помош – секоја минута е важна.
Здравото срце започнува од нашата трпеза – секој избор што го правиме може да биде чекор поблиску до подолго и поквалитетно живеење.