Двајцата играат во два радикално различни спортови, на голема далечина, но тие се обединети за една цел.
Стеф Кари, суперѕвездата на светската кошарка, гледа многу заеднички нешта меѓу него и фудбалската ѕвезда, Лионел Меси. Бекот на Голден Стејт смета дека „десетката“ на Барселона има слични ставови, како и влијание врз младите.
– Мислам дека тој е гениј, кој твори постојано, но и покрај гламурозната страна на работите, има многу основни аспекти во неговата игра. Тој работи напорно, и ова, во комбинација со неговиот неверојатен талент, дава јасни резултати на теренот, вели Кари.
Бекот на „воините“ смета дека двајцата имаат многу заеднички нешта особено кога станува збор за креативноста и иновациите кои ги покажуваат во нивните спортови.
– Освен тоа мислам дека се трудиме да влијаеме врз следната генерација и да ги натераме младите исто како нас да се трудат до крајни граници, додава уште двократниот шампион на НБА со Голден Стејт.