Шпанскиот тенисер Карлос Алкараз (19) рано утринава го освои УС Опен, победувајќи го во финалето, Норвежанецот Каспер Руд со 3:1 (6:4, 2:6, 7:6(1), 6:3).
Во меч кој траеше 3 часа и 23 минути, 19-годишниот Шпанец имаше 14 аса, три двојни грешки и реализираше 3 брејк топки од 11.
CARLOS ALCARAZ IS THE US OPEN CHAMPION pic.twitter.com/hogFduedq0
— US Open Tennis (@usopen) September 11, 2022
Шпанецот испиша историја со тоа што стана првиот тинејџер кој стана светски рекет број еден.
На новата АТП листа Алкараз е прв, Руд е втор во светот.
Алкараз има 6.740 бодови, следен од Руд со 5.850, Рафаел Надал со 5.810, Даниил Медведев падна од првото на четвртото место со 5.065 бодови, а петти е Александар Зверев со 5.040.
Новак Ѓоковиќ, кому му беше забрането учество на УС Опен поради тоа што не беше вакциниран, моментално е на седмото место со 3.570 бодови.