Магнус Карлсен одби да игра против Јан Непомњашчи за титулата најдобар шахист во светот.
Рускиот шахист изјави дека е многу разочаран од одлуката на актуелниот светски шампион од Норвешка, Магнус Карлсен, да одбие да игра против него за титулата светски шампион.
Карлсен во средата објави дека не сака да игра со Непомњашчи, кој го освои турнирот во Мадрид претходно овој месец за да го добие правото да го предизвика шампионот од 2023 година.
„Не сум мотивиран да играм уште еднаш. Мислам дека нема што да добијам. Не ми се допаѓа тоа“, рече Карлсен во првата епизода од неговиот подкаст „Магнус ефект“.
Претседателот на челната шаховска организација Аркадиј Дворкович излезе со соопштение во врска со новонастанатата ситуација во која вели дека Магнус се уште официјално не го откажал учеството, но дека неговиот став секако ќе биде испочитуван доколку остане така.
„Магнус Карлсен заслужува почит од страна на ФИДЕ и од целата шаховска заедница, каква и да донесе одлука. Многу големи шампиони во другите спортови доживеале слични моменти, бидејќи е тешко да се најде постојан мотив да се натпреварува на највисоко можно ниво, да наградата за победа никогаш не биде толку голема како што била првиот ден. Веруваме дека заслужи одмор“, најавил Дворкович.
„Лично, ова го сметам како големо разочарување и тага. Можеби се чувствува како заложник на целата ситуација што не опкружува“, рече рускиот шахист.
Карлсен стана светски шампион во 2013 година и оттогаш четири пати ја одбрани титулата, а последен пат токму против Непомњашчи во 2021 година.