Трејдот на Лука Дончиќ во Лејкерси, кој ја потресе НБА, на интересен начин го прокоментира Кармело Ентони на поткастот „Бруклин“, а неговиот ентузијазам за ова засилување беше очигледен.
Кармело Ентони, меѓу другото, зборуваше и за доаѓањето на Лука Дончиќ во Лејкерси и како Леброн Џејмс ужива во тандемот што тие го создадоа.
„Никогаш не сум го видел Леброн толку среќен додека играл. Ова е дефанзивна екипа сега, со Лука“, изјави Кармело Ентони.
Тој смета дека Лука сега е во тимот она што беше Леброн, односно ја презел неговата улога.
„Улогите сега се сменети. Леброн ја презеде улогата на Ентони Дејвис, а Лука на Леброн. Џејмс сега знае дека сè што треба да направи е да трча низ теренот. Многу од соиграчите на Леброн во минатото не беа подготвени да работат. Лука сега ја презеде контролата над топката. И ова е прв пат да го видиме Леброн како ја подава топката некому и тој се чувствува многу удобно додека Лука ја контролира играта“, додаде Ентони.