Канадскиот премиер, Марк Карни, изјави дека неговата земја заслужува почит од Соединетите Американски Држави и дека ќе дозволи трговски и безбедносни партнерства само под свои услови. Во ексклузивно интервју за Би-Би-Си по успешната изборна ноќ, Карни, лидер на Либералната партија, истакна дека интеграцијата на Канада во САД како 51-ва држава “никогаш нема да се случи”.
Карни и американскиот претседател Доналд Трамп се наоѓаат во конфронтација поради царинските мерки, откако Карни стана привремен премиер во јануари. Премиерот изјави дека нема да го посети Вашингтон додека не започне „сериозна дискусија“ за суверенитетот на Канада.
Карни верува дека постои можност за успешни трговски односи со Европската унија и Обединетото Кралство, а исто така, истакна дека е можно да се обезбеди договор со САД. „Можеме да го прошириме нивото на интеграција меѓу земјите со слични размислувања. Размислувате за партнерства во одбраната, а тие разговори штотуку започнаа, така што има многу што можеме да направиме“, рече премиерот Карни.