Наполи доби ужасни вести – ќе бидат без својот прв напаѓач Ромелу Лукаку подолг временски период.
Лукаку, кој постигна 14 гола и имаше 11 асистенции минатата сезона, беше сериозно повреден на пријателскиот натпревар против Олимпијакос.
Натпреварот се одигра во четврток, а лекарите на Наполи конечно ги објавија резултатите од деталните медицински прегледи, кои утврдија дека Лукаку го повредил бутниот мускул и ќе треба да се оперира.
Според првичните прогнози, во најоптимистичкото сценарио, тој ќе биде надвор од терените најмалку три месеци, но пореално е дека ќе биде надвор од терените помеѓу четири и пет месеци.
Со оглед на тоа што единствениот здрав централен напаѓач на Наполи во моментов е Лоренцо Лука, италијанскиот шампион итно треба да донесе засилувања, а до крајот на преодниот рок остануваат само 12 дена.
Прва цел на Наполи е Расмус Хојлунд, а веќе се воспоставени контакти со Манчестер Јунајтед во врска со неговата позајмица.
Со доаѓањето на Бенџамин Шешко, Хојлунд не може да се надева на многу минутажа, па затоа најверојатно ќе го видиме во дресот на Наполи во претстојната сезона.