231
Врховниот командант на силите на НАТО за Европа и командантот на европската команда на армијата на САД, Кристофер Каволи, рече дека НАТО одлучил да ги зајакне резервните сили во рамките на мисијата на Косово (КФОР) и во Босна и Херцеговина ( Мисијата ЕУФОР Алтеа).
„Откако направивме целосен преглед на КФОР, дојдовме до заклучок дека ни требаат не само повеќе, туку и посилни сили. Овој процес е во тек. Ќе донесеме повеќе тешка опрема на теренот, како и повеќе луѓе“, изјави Каволи на сослушувањето пред Комитетот за вооружени служби на американскиот Сенат, што се одржа на 11 април.
Тој додаде дека се започнати најмалку две фокусирани мисии со цел да се соберат повеќе информации и подобро да се разберат настаните во Косово и Босна и Херцеговина.