Казна затвор од 15 години за неготинчанецот што до смрт ја претепа вонбрачната партнерка

Петнаесет години затвор доби П.Н. од Неготино за кривично дело тешка телесна повреда со смртни последици, известија од Основниот суд Кавадарци.

Обвинетиот, на 2 август годинава, во состојба на битно намалена пресметливост и со присуство на 1,94 промили алкохол во крвта, извршил семејно насилство врз една оштетена со која предтходно повеќе години живеел во вонбрачна заедница. По вербална расправија, тој најпрвин со бокс и тврди предмети ја удирал по главата, лицето и телото, а потоа ја турнал кон туш кабината, при што оштетената се здобила со телесни повреди од кои на 6 август починала на Клиничкиот центар „Мајка Тереза“.