Кардиналот Џорџ Пел , кој е католички свештеник од највисок ранг осуден за педофилија , би можел да биде пуштен на слобода.
Пел (77) беше еден од најмоќните луѓе во Католичката црква во Ватикан. Тој оваа недела би можел да биде пуштен од затвор , доколку Апелацискиот суд ја поништи пресудата за сексуално злоставување момчиња.
Кардиналот во март беше осуден на шест години затвор поради сексуално злоставување на две момчиња , кои во деведесеттите госдини од минатиот век пееле во црковниот хор .
Децата тогаш имале по 13 години. Кардиналот, кој во тоа време бил надбискуп , ги злоставувал децата во катедралата во Мелбурн.
Судот во март одреди дека кардиналот не смее да добие условна слобода порано од три години и осум месеци од служењето затворска казна.