Ќе се лета од 17.30 до 9 наутро: Пистата на скопскиот аеродром ќе се реновира

Од компанијата ТАВ Македонија информираат дека пистата на Меѓународниот аеродром Скопје ќе биде подложена на рехабилитација во времетраење од 50 дена, од крајот на март до средината на мај следната година, но тоа нема да значи и затворање на скопскиот аеродром.

Во периодот од 28 март до 16 мај 2022 година, на пистата ќе се работи секојдневно од 9 до 17.30 часот, а авионскиот сообраќај со слетувања и полетувања кон сите дестинации од редот на летање ќе се одвива од 17.30 до 9 часот наутро.

Од ТАВ Македонија информираат дека ова ќе подразбира измени во редот на летање кон некои дестинации, за што се очекуваат подетални информации наскоро од самите авиокомпании.