Кејт Мидлтон полека се враќа на кралските должности по тешката дијагноза и превентивната хемотерапија. Доказ за тоа е емотивниот говор кој таа го одржа на Бадник на традиционалниот божиќен концерт. Таа ги покани луѓето да „забават“, да „размислат за подлабоките работи што ги поврзуваат“ и „да се свртат кон љубовта“.
„Божиќ е еден од моите омилени периоди во годината. Време е за подароци, светла и колачиња, но време е и да се забави и да размислиме за подлабоките работи што не поврзуваат сите“, го започнала својот говор, пишува „Дејли Мејл“.
„Тогаш треба да застанеме и да се оддалечиме од притисоците на секојдневниот живот за да најдеме простор да ги живееме нашите животи со отворено срце, со љубов, добрина и простување, што всушност го претставува божиќниот дух“, додаде таа.
„Божиќната приказна нè поттикнува да размислуваме за искуството и чувствата на другите. Тоа, исто така, ги одразува нашите сопствени ранливости и нè потсетува на важноста да даваме и примаме емпатија, и колку си требаме еден на друг и покрај нашите разлики. Пред се нè поттикнува да се свртиме кон љубовта, а не кон стравот“, изјави Кејт.
„Љубовта што ја покажуваме кон себе и љубовта што ја покажуваме кон другите. Љубов што слуша со емпатија, љубов која е љубезна и разбирлива, љубов која простува и љубов која носи радост и надеж. Љубовта е најголемиот подарок што можеме да го добиеме, не само на Божиќ, туку секој ден во нашите животи“, заклучи таа.
За потсетување, Кејт беше подложена на голема операција на стомакот, по што лекарите ја објавија веста дека откриле рак и ја советуваа да оди на превентивна хемотерапија. Во септември таа објави дека завршила со лекувањето, но дека нејзиниот пат до целосно закрепнување ќе биде долг.
Таа неодамна се врати на своите службени должности, па таа и принцот Вилијам во Лондон се сретнаа и се поздравија со емирот на Катар, шеикот Тамим бин Хамад Ал Тани и со првата од неговите три сопруги – Шеиха Џавахер.