Фановите на кралското семејство беа воодушевени од појавувањето на Кејт Мидлтон на машкото финале на Вимблдон во неделата, а принцезата од Велс сега се огласи на социјалните мрежи.
Таа сподели неколку фотографии од себе на социјалната мрежа Инстаграм направени во 2021 година, кога го посети Природонаучниот музеј во Лондон.
Отворањето на новите градини во споменатиот музеј е настан за кој сите зборуваат, а Кејт во оваа прилика ја пофали нивната работа и зборуваше за влијанието на природата врз физичкото и менталното здравје.
„Многу ја ценам посветеноста на музејот за создавање посебен простор кој ги охрабрува луѓето од сите возрасти повторно да се поврзат со природата и да научат повеќе за тоа како можеме да го заштитиме нашиот природен свет“, напиша таа, додавајќи:
„Ја знам моќта на природата која го промовира нашиот развој и благосостојба, носи радост и ни помага да останеме физички, ментално и духовно здрави. Се надевам дека овие градини ќе инспирираат и трансформираат илјадници луѓе кои ќе ги посетат“.
Да потсетиме, кога минатата недела Кејт Мидлтон се појави на трибините, доби овации кои траеја неколку минути. Причината за тоа е исклучителната храброст што ја покажува Кејт во борбата против ракот. Веројатно ќе помине малку време пред повторно да ја видиме принцезата од Велс во јавноста, а извор близок до кралското семејство проговори за нејзините летни планови.
Вилијам и Кејт планираат да го поминат поголемиот дел од летото „под радар“ во нивното одморалиште во Норфолк со децата, додека Кејт продолжува со превентивната хемотерапија.