По повод инцидентот што се случи денес на патот Никшиќ-Подгорица во Црна Гора, кога демонстрантите нападнаа службено возило, се огласи премиерот на Црна Гора, Здравко Кривокапиќ. Тој рече дека неговата ќерка била во тоа службено возило.
Тој исто така изјавил дека неговата ќерка е исплашена и плачела. Посочи дека нема да дозволи дивјаштво и беззаконие во Црна Гора.
„Денес беше нападнато службеното возило во кое беше нападната мојата ќерка, инаку заштитено лице. Како татко, нема да ги заборавам нејзините солзи и страв. Како премиер, нема да ви дозволам дивјаштво и беззаконие! Ќе има закон и ред во земјата на кој не сте навикнати. Ќе го видите тоа наскоро“, напиша Кривокапиќ на Твитер.
Да потсетиме, на социјалните мрежи денес се појавија драматични видеа, снимени на патот Никшиќ-Подгорица во Црна Гора.
„Токму во Никшиќ еден човек кој беше меѓу Црногорците очигледно беше прегазен од автомобил. Полицијата не стори ништо за да го спречи возачот, ниту му пружи помош на човекот“, стои во објавата на Твитер.
PG CG 301 @MupCg pic.twitter.com/gvxem4yIOS
— Jodža FCJK 🇲🇪 (@jodzaMNE) April 8, 2021
После тоа, бројни корисници на социјалните мрежи споделија снимки од сцената, што е повеќе од драматична.
На снимката се гледа како група граѓани го опкружуваат службеното возило, кое не застанало, туку продолжи и собори неколку лица.
Овие настани се случија во пресрет на закажаниот собир пред зградата на Владата, што започнаа утрово во 11 часот. Собирот беше организиран по повод измената и дополнувањето на Одлуката за критериумите за стекнување црногорско државјанство по приемот и измената на Законот за регистар на престој.