Американскиот фудбалски клуб Интер Мајами е меѓу водечките кандидати за привлекување на Кевин Де Бруин од Манчестер Сити, тврди британски „Мирор“. Според информациите, белгискиот плејмејкер ќе биде цел број 1 за тимот на Дејвид Бекам во летниот преоден рок.
Договорот на Де Бруин истекува и ќе биде слободен играч по завршувањето на сезоната во англиската Премиер лига. Доколку не потпише нов договор следниот месец, ќе има право да преговара со други клубови и раководството на Интер Мајами би можело да достави понуда.
Во Интер играат и други големи ѕвезди на светскиот фудбал како Лионел Меси и Луис Суарез.
Минатото лето интерес имаше за Де Бруин и од Саудиска Арабија, но Белгиецот претпочиташе да остане уште една година во Сити. Сепак, тоа не се разви како што тој очекуваше и тој мина многу време во амбулантата поради повреди, а тимот од Манчестер редеше само порази во текот на ноември.