На Украина ѝ е ветено дека ќе биде примена во НАТО, но во моментов нема краен рок кога ќе биде завршен овој процес, изјави Дејвид ван Вил, помошник генерален секретар на Северноатлантската алијанса, кој моментално е во посета на Јапонија, во интервју за весникот „Асахи“.
Тој истакна дека Киев мора да исполни неколку услови за да влезе во НАТО.
„Украина сега се соочува со битка за модернизација на својот систем на управување. Ова е многу важна задача. Не можам да дадам конкретен распоред за влез на Украина во НАТО во моментов. Сакаме да избегнеме ескалација на сегашната војна во конфронтација меѓу НАТО и Русија. Треба да разбереме дали можеме да утврдиме, во услови на војна, дали Украина достигна одредено ниво во својот систем на управување. Но, ѝ беше ветен влез во НАТО“, додаде тој.
„Како што одминува времето, станува сè потешко да се обезбеди помош за Украина“, призна помошникот генерален секретар.
Меѓутоа, тој уверува дека испораката на оружје за Киев ќе продолжи.