Ким Кардашијан гостуваше во подкастот „On Purpose with Jay Shetty“ каде зборуваше за „хаосот“ кој го доживува како мајка.
Реалити ѕвездата има четири деца со нејзиниот поранешен сопруг, раперот Канје Вест: ќерките Норт (9) и Чикаго (5) и синовите Сент (7) и Псалм (4).
„Често плачам пред да легнам да спијам. Да, секогаш има торнадо во мојата куќа. Понекогаш се прашувам што се случило. Да се биде родител понекогаш е лудост. Највистинската работа што сум ја слушнала е дека деновите се долги, а годините се кратки. Сепак, тоа е најнаградувачката работа на светот“, опиша таа.
„Ништо не може да те подготви. Колку и да чекаш, не можеш да бидеш подготвен за ова. Понекогаш не ја мијам косата и носам исти пижами со денови, но научив многу за себе и горда сум на себе. Најлошо беше во короната“, додаде таа.