Легендарниот Рој Кин во својата анализа на натпреварот помеѓу Ливерпул и Манчестер Јунајтед на „Скај Спортс“ упати низа критики кон фудбалерот на „црвените“ Трент Александар Арнолд во свој стил.
Најголемото дерби во англискиот фудбал заврши нерешено 2:2, а особено беа забележани погрешните потези на Арнолд.
Наводно го следи Реал Мадрид кој сака да го доведе, но по овој меч прашање е дали ќе останат на тој став.
„Трент Александар Арнолд треба да се надева дека Реал Мадрид не го гледа ова, подобро за него“, изјави Рој Кин.
Тој додаде дека неговото место е во тимот кој се натпреварува во четвртиот степен на англискиот фудбал, Лига 2.
„Зборуваме за тоа колку е брилијантен Трент, а тој брани како ученик. По начинот на кој бранеше може да оди во Транмере Роверс“, изјави Кин во свој стил.
За работите да бидат уште полуди, самиот Транмере се огласи на социјалните мрежи за да му се заблагодари на Кин за понудата.
„Трент во Транмере, Рој? Не, добри сме“
❔ Trent to Tranmere, Roy? Nah, we're alright thanks.#TRFC #SWA pic.twitter.com/fQ6bgvUcDE
— Tranmere Rovers FC (@TranmereRovers) January 5, 2025