Кина и САД ќе ја продолжат комуникацијата

По средбата меѓу советникот за национална безбедност на САД, Џејк Саливан и високиот кинески дипломат Ванг Ји, бил склучен договор за одржување на меѓусебната комуникација, изјавуваат од Белата Куќа.

„Двете страни имаа искрени, суштински и конструктивни дискусии за клучните прашања поврзани со билатералните односи меѓу САД и Кина, глобалните и регионалните безбедносни прашања, војната на Русија против Украина и прашањата поврзани со Тајванскиот теснец“, пишува во соопштението.

Се додава дека состанокот бил „дел од напорите да се одржат отворени линиите на комуникација“.