330
Шефот на кинеската дипломатија Ванг Ји му рекол денеска на американскиот државен секретар Ентони Блинкен дека тензиите во врска со Тајван се предизвикани од поддршката на американските сили кои се залагаат за негова независност, соопшти кинеското Министерство за надворешни работи.
Кинескиот министер и државен советник Ванг Ји ги повика САД да го поправат својот „погрешен курс“, како што се наведува, по различни прашања и да ги вратат кинеско-американските односи на колосек на здрав развој, пренесе Ројтерс.
На состанокот на маргините на самитот на Групата 20 во Рим, Ванг Ји му рекол на Блинкен дека Тајван е најчувствителното прашање во нивните односи, се додава во соопштението.