Подгответе ги овие вкусни колачи! Децата ги знаат како киндер.
Состојки:
Тесто:
5 јајца
5 лажици брашно
2 лажици какао
5 лажици шеќер
1/2 филџан вода
½ прашок за пециво
Фил:
600мл млеко
5 лажици шеќер
6 лажици ванилин шеќер
1 маргарин
80гр густин
Глазура:
200гр чоколадо
100гр путер
Подготовка:
Тесто: Изматете ги жолчките од јајацата и 5 лажици шеќер, додадете вода, какао и прашок за пециво. Изматете ги белките, а потоа додадете ја смесата од жолчките и брашното и мешајте додека не се соедини.
Обложете го плехот за печење и истурете ја смесата.
Печете 15 минути на 180 степени.
Фил: Сварете 500 мл млеко со шеќер и ванилин шеќер. Во останатото млеко ставете густин и направете крем. Кога ќе се олади изматете и маргарин.
Глазура: Чоколадото растопете го со путер.
Исечете го тестото на два дела, ставете фил на секоја кора и декорирајте со растопено чоколадо.