Кинез пливал речиси 10 часа од кинеската провинција Фуџијан до островите Мацу во Тајван во обид да „избега кон слободата“. Тој побарал помош од туристите на островот Беиган, вториот по големина остров на островите Мацу, откако го каснала пчела. Туристите ги известиле локалните власти кои пристигнале на местото на настанот и потврдиле дека се работи за илегален имигрант, пишува „Индипендент“.
Службеникот потврди дека кинескиот државјанин бил префрлен во Здравствениот дом Беиган, нагласувајќи дека неговите повреди не се сериозни. Кинезот со себе носел храна, облека, лекови и пари. Тој им кажал на властите дека тргнал на патување од полуостровот Хуангки во кинеската провинција Фуџијан до островите Мацу во Тајван во „потрага по слобода“.
Кина ги зголемува своите воени активности околу Тајван
Растојанието помеѓу полуостровот Хуангки и островот Беиган е околу 12 километри. Кинезот е однесен во Окружното обвинителство во Лиенчианг. Во последниве години, Кина ги засили своите воени активности околу Тајван, тврдејќи дека Тајван е обврзан да се обедини со Пекинг, доколку е потребно со сила, и дека нема право да одржува надворешни односи.
Тајван е самоуправен откако се одвои од копното во 1949 година по граѓанска војна.
Инаку, ова не е прв ваков случај. 45-годишен кинески државјанин беше уапсен во 2020 година откако пливаше седум часа за да стигне до островот Кинмен во Тајван поради „политичкото опкружување“ во Кина. Тој беше уапсен поради илегален влез во Тајван.