Кингли Коман стави крај на сите шпекулации за неговата иднина откако и официјално потпиша нов договор со Баерн (Минхен). Рокот на договорот е до летото 2027 година. Претходниот договор на 25-годишниот Французин со Баварците беше до 30 јуни 2023 година.
Во последната година, Коман беше поврзуван со Челси, Ливерпул, Манчестер Сити, Манчестер Јунајтед, Барселона, Реал Мадрид и Пари Сен Жермен. Во говорот на почетокот на декември, Французинот навести дека може повторно да потпише.
#King2027 👑 pic.twitter.com/JCG2icUhKT
— FC Bayern München (@FCBayern) January 12, 2022
Според „Екип“, Коман со новиот договор ќе добива 17 милиони евра годишно, што значи дека ќе стане третиот најплатен играч на Баерн.
„Многу сум среќен бидејќи Баерн е еден од најдобрите клубови во светот и знам дека тука имаме уште многу можности и големи цели да постигнеме. Во клубот сум од 2015 година и моето чувство е дека сите сме едно големо семејство. Тука сè е совршено. Моите најдобри години како фудбалер се пред мене и среќен сум што ќе ги поминам овде во Баерн. Мојата најголема цел е повторно да ја освојам Лигата на шампионите и се молам овојпат тоа да се случи заедно со нашите навивачи“, прокоментира Коман за веб-страницата на Баерн.