Австралискиот тенисер Ник Кирјос повторно беше во центарот на вниманието кога со топка удри дете на трибините.
Тоа се случи за време на натпревар во двојки на кој играше со својот сонародник Танасис Кокинакис.
Кирјос уште од самиот почеток беше нервозен и во еден момент ескалираше и за малку ќе завршеше со тешки последици.
Во четвртиот гем Кокинакис го промаши првиот сервис, а Кирјос по којзнае кој пат се налути.
Тој неконтролирано ја удри топката и ја испрати на трибините и го удри несреќното дете во глава.
Момчето заплаче, а Кирјос со неверување ја гледаше целата сцена.
Потоа истрча на трибините и му го даде рекетот на момчето. Публиката која најпрво го исвирка за ударот го поздрави неговиот гест со голем аплауз.
Кирјос и Кокинакис ги победија првите носители Венус и Пука со 7:5, 3:6, 6:3.
Turning this young man's frown upside down 😞😊 @NickKyrgios • @tkokkinakis • #AusOpen • #AO2022
🎥 : @wwos • @espn • @eurosport • @wowowtennis pic.twitter.com/rbYR2Z4riu— #AusOpen (@AustralianOpen) January 25, 2022