Ќе биде запалена викендицата во која монструмот од БиХ, Нермин Сулејмановиќ ја уби својата невенчана сопруга и видеото го објави во живо на Инстаграм. Ова во изјава за тамошните медиуми го пренел Ади Шакиќ, сопственикот на викендицата.
Ади е на одмор и е изненаден, како и сите нас, од тоа што убиецот ја однел сопругата таму за да ја убие. Не добил ниту дозвола, ниту клуч за да оди во викендицата што ја користел таткото на Ади во текот на животот, а сега ретко оди таму, информирал близок пријател на сопственикот на викендицата.
Тој истакнал дека убиството се случило на тремот пред влезот на куќата и дека е јасно дека фактот што викендицата била изолирана зад пченката во шумата му одговара на убиецот за неговиот крвав план.
Нермин ја убил Низама во Градачац, пред викендицата во местото Шибовац, додека нивната ќерка лежела во локва крв и плачела.
Како што можеше да се види на вознемирувачкото видео кое сега е избришано, тој ја прашал несреќната жена зошто го пријавила во полиција, а таа му одговорила дека се плаши за себе и за детето.
Нермин Сулејмановиќ веќе бил пријавен во полиција за семејно насилство.
Низама беше погребан вчера на гробиштата во Мионица, кај Градачац.