Џони Деп (61) е познат по улогите на необични и ексцентрични ликови, а во текот на својата долга кариера сними повеќе од 80 филмови. Во широк спектар на филмови од различни жанрови, холивудскиот актер го отелотвори Едвард Сизерхенд. Токму тој филм ја истрауматизирал неговата ќерка Лили-Роуз Деп (25), пишува „Daily Mail“.
– Филмовите треба да направат да почувствувате нешто. Бев истрауматизирана од тоа, но не затоа што мислев дека е страшен, туку затоа што сите беа многу злобни кон него и многу се изнервирав… Ние сме многу различни актери, но секако дека сте производ на вашата околина и тоа е светот за кој отсекогаш сум била многу заинтересирана – изјави актерката.
Манекенката реши да ги следи стапките на својот татко, па можеме да ја видиме во новиот филм „Nosferatu“, римејк на немиот класик од 1922 година, кој делумно е базиран на „Dracula“ на Брам Стокер. Покрај тоа, таа ја играше главната улога во контроверзната серија на HBO „The Idol“.
Приватниот живот го држи подалеку од очите на јавноста, но претходно истакна дека славата е лоша страна во светот на актерството.
– Луѓето се заинтересирани за работи кои не мора нужно да ги интересираат. Работата на актерот е да влезе во лик, да се вклопи во него и да ја натера публиката да верува дека вие сте тој лик. За да го направите тоа, важно е да го заштитите чувството на анонимност – не треба многу добро да ме познавате бидејќи сакам публиката да ми верува и во другите ликови – објасни тогаш таа.
Првата улога ја доби пред десет години во хорор комедијата „Yoga Hosers“, а сетот го сподели со својот татко. Подоцна сама се „проби“ во филмскиот свет.