Менаџерот на Ливерпул, Јирген Клоп го пофали својот колега од Виљареал, Унаи Емери. Германецот сугерираше дека досегашните жртви на „жолтата подморница“ во Лигата на шампионите – Јувентус и Баерн (Минхен), можеби донекаде го потцениле шпанскиот тим, но тоа сигурно нема да им се случи на „црвените“ во претстојното полуфинале.
„Порано имав голема почит кон Унаи и тимот, но ги гледав натпреварите со Баерн и Јувентус и бев импресиониран. Унаи е тренер кој е опседнат со детали. Тој се подготвува за сите ситуации. Тие имаат различни начини да ги градат своите напади, да притискаат и да реагираат на различни резултати. Имаат тренер од светска класа кој врши неверојатна работа.
За останатите турнири денеска нема потреба да се зборува, бидејќи сме фокусирани на мечот со Виљареал кој е полуфинале. Овој натпревар е посебен, луд, огромен. Толку многу тренери и играчи даваат се од себе цел живот, но не можат да се доближат до тоа. Мораме да го цениме и да уживаме.
Јувентус и Баерн можеби малку го потценија Виљареал, но тоа нема да ни се случи, особено по овие четири натпревари. Тие сакаат да бидат во финалето, но тоа важи и за нас. Знам дека ќе има моменти кога ќе страдаме, но не треба да бидеме нервозни, бидејќи можеме да ги натераме да страдаат“, изјави Клоп на денешната прес-конференција.