Фудбалерите на Ливерпул освоија само бод на „Енфилд“ против Тотенхем (1:1) и иако се вратија на врвот на табелата, немаат големи шанси први да ја поминат целта во Премиер лигата, вели Јирген. Клоп.
Менаџерот на Ливерпул е разочаран што неговиот тим не победи на домашен терен за прв пат по октомври и ја прекина серијата од 12 последователни победи.
Навистина, Ливерпул повторно е на табелата со бод против Тотенхем благодарение на гол-разликата, но Манчестер Сити има шанса да се врати на кормилото денеска доколку го победи Њукасл на својот „Етихад“ и на тој начин дојде до три бода предност.
Запрашан од новинарите дали се уште се надева дека Сити може да „киксне“, Клоп рече „не“.
„Не гледам дека можат да паднат бодови. Посакувам да размислувам поинаку, но навистина не го гледам тоа“.
„Црвените“ за малку ќе загубија на „Енфилд“ бидејќи Тотенхем поведе со голот на Сон во 56. минута. Луис Дијаз израмни во 74.
– Имаме бод повеќе од пред мечот со Тотенхем и тоа е добро, многу подобро отколку да загубевме со 1:0. Тој гол навистина е важен. Но, тоа не е она што го сакавме. Мора да се справиме со тоа и ќе го направиме. Нашиот проблем не е дали Сити ќе го победи Њукасл, туку фактот што во вторник ни претстои тешко гостување во Бирмингем против Астон Вила, истакна Германецот.
Клоп на своите играчи, но и на колегата Конте им честиташе на тактиката.
– Навистина сум задоволен од настапот и горд на менталитетот што го покажаа момците против неверојатно добар противник со план за игра. Нашиот контрапресинг беше на второ ниво, но исклучително е тешко да се игра против противник со играчи од светска класа и менаџер од светска класа кога тие имаат една недела да се подготват, а ние играме на секои три дена. Беше уште потешко кога поведоа, моравме да останеме смирени и да го зголемиме притисокот, а тоа беше голем предизвик. Успеавме да израмниме, а не да победиме, посочи тој.
Ливерпул во вторник ќе му гостува на Астон Вила, а потоа во сабота го очекува финалето на ФА Купот против Челси.