231
Јирген Клоп го напушта Ливерпул на крајот од оваа сезона и германскиот тактичар изјави дека ќе паузира една година пред да се врати на тренерската работа.
Според англиските медиуми, „Би-би-си“ и „ИТВ“ се во конкуренција за договор со Јирген Клоп како фудбалски аналитичар за време на Европското првенство кое ќе се одржи летово.
Се верува дека и двата медиуми ќе бидат разочарани. Блиските до Клоп веруваат дека тој нема да прифати таква работа и дека повеќе ќе сака да го гледа Европското првенство во својата татковина како обичен фудбалски навивач.