Веќе нема никаква драма меѓу Јирген Клоп и Мохамед Салах, увери самиот менаџер на Ливерпул. Пред една недела двајцата се судрија за време на натпреварот против Вест Хем. Никогаш не открија што точно си кажале.
– Прашањето е веќе решено, нема проблем – изјави денеска Клоп. – Но, не знам како ќе се снаоѓаме ако не се познававме толку долго. Но и двајцата толку многу се почитуваме што тоа не е проблем.
По овој инцидент, сепак, се засилија гласините дека по завршувањето на сезоната Салах нема да остане на „Енфилд“. Сигурно тогаш заминува и менаџерот, поради што Германецот не сака да коментира на темата за иднината на напаѓачот.
-Морате да се навикнете дека тоа повеќе не е мој проблем. Мислам дека не треба да зборувам за тоа. Други луѓе ќе донесат одлука, особено самиот Мо. Нема да одлучувам, категоричен беше Клоп.
Тензијата меѓу двајцата се појави во позадина на неубедливите резултати на тимот, поради што „црвените“ веќе немаат речиси никакви шанси за титулата во конкуренција на Манчестер Сити и Арсенал. На Ливерпул барем му е загарантирано враќање во Лигата на шампионите.
„Многу сум среќен што се пласиравме во Лигата на шампионите. Тоа е успех. Дали сите го сфаќаат тоа на тој начин? Можеби не“, продолжи менторот.
„Барем нема повеќе тензија и би било одлично ако можеме повторно да прикажеме добар фудбал бидејќи последните неколку недели беа напнати за нас“, посака Клоп.