Еден од најдобрите светски фудбалери досега, Лионел Меси, ја посети соблекувалната на српскиот тенисер Новак Ѓоковиќ во Мајами и од него доби потпишана маица со посебна посвета: „До семејството Меси, со љубов“.
Србинот синоќа му гостуваше на легендарниот Аргентинец откако во полуфиналето на Мастерсот во Мајами го совлада Григор Димитров.
Ѓоковиќ веќе на теренот виде дека Меси е на трибините бидејќи директорот за пренос го покажа на голем монитор, а по мечот имаше и порака за аргентинскиот великан.
„Голема чест и задоволство, многу ми значи што Лео дојде. Мислам дека првпат играм пред него во живо. Му благодарам што е тука со неговото семејство. Му се восхитувам, како и повеќето луѓе во светот, бидејќи има неверојатна кариера. Ние сме на иста возраст, 1987 година, и убаво е што е тука пред сите“, изјави Ѓоковиќ.
Врската меѓу нив двајца е поранешниот аргентински тенисер и голем пријател на Ѓоковиќ, Хуан Мартин Дел Потро.
Наскоро на социјалните мрежи стана вирална фотографија од соблекувалната на која се гледа средбата на двајца од најдобрите во нивната професија.
Инаку, Ѓоковиќ по победата на овој меч сигурно ќе биде одлично расположен бидејќи заминува на одмор во Мајами и се подготвува за утрешното големо финале против Јакуб Менсик.