Плаќање со кредитна картичка е погодност што го олеснува животот. Но, има моменти во кои е опасно да ја користите, затоа што картичката и соодветно паричните средства може да станат предмет на напад или измама.
Кога не внимавате каде и како ја користите вашата кредитна картичка, лесно можете да бидете измамени, а картичката да ви исцеди.
Во кои случаи не треба да ја користите вашата кредитна картичка?
Кога внесувате податоци во електронска адреса, кој не започнува со HTTPS
HTTPS или протокол, обезбеден со сертификат за безбедност е начин за осигурување на податоците кои ги внесувате да останат енкриптирани. На овој начин би било потешко на малициозни измамници да навлезат во вашата сметка и да ви ја одземат.
Кога одговарате на пошта
Интернет измама или таканаречен “фишинг” вклучува испраќање на електронски пораки во кои некој ви нуди нешто примамливо поевтино, а од вас сака да ги внесете податоците од вашата кредитна картичка, за да го добиете.
Други сценарија на “фишинг” вклучуваат лично обраќање до вас, во повеќето случаи на англиски јазик, но е можно да добиете и писмо на македонски. Ќе познаете дека е лажно во тоа дека иако е на македонски, текстот ќе звучи премногу неприродно и како преведено со автоматска програма за преводи.
Во никој случај не отворајте такви пораки и не одговарајте на нив, а камоли да внесувате податоци.
Кога на улица ќе ве пресретнат вработени кои се занимаваат со добротворни цели
Прибирање на средства за луѓе кои имаат потреба и различни каузи е пракса во современото општество. Но, кога ќе ве сретнат на улица и почнат да ве предупредаат да дадете бројот на вашата кредитна картичка или да ве молат да платите со неа, за да донирате средства – не го правете тоа.
Во повеќето случаи тоа се измамници кои ќе ви ги одземат податоците. Добротворни кампањи се претходно легално организирани и донациите се оствруваат преку банкарски трансфери директно на наведената сметка или преку внесување на готовина.
Кога разговарате по телефон
Не ги давајте податоците од вашата кредитна картичка преку телефон на никого. Не знаете кој околу вас може да го слуша повикот додека сте зафатени со повикот и сте расеани во овој момент. Освен тоа е многу важно да не давате согласност за плаќање по телефон со кредитна картичка и да не диктирате броеви? Ако не сте се јавиле вие. Ако ве побарале од другата страна треба да имате едно на ум.
Кога онлајн продавачот од кого купувате, нема претходна историја и нема мислења за него
Секогаш проверувајте од кого купувате што и да било, дури тоа да е поевтино. Ако ги оставите вашите податоци на непроверен трговец, ризикувате потоа да изгубите многу повеќе.
Кога сте поврзани на јавна WI-FI мрежа
Јавните бесплатни и незаштитени со лозинка мрежи кријат ризик некој да ви го следи сообраќајот. Лозинките за онлајн банкарство и плаќања се ранливи и можат да бидат пресретнати многу лесно.