Научници намерно урнаа голем патнички авион за да откријат кои седишта ќе имаат најголеми шанси да преживеат несреќа. Тестот, спроведен од компанијата наречена Broken Wing, беше вмешан во контроверзии откако американската влада одби да дозволи експериментот да се спроведе на нивна почва. По истражувањето на алтернативни локации, компанијата на крајот ја убедила мексиканската влада да го спроведе тестот во пустината.
Планот за тестот бил да се управува авионот од далечина пред намерно да се урне во пустината за да се симулира што точно може да се случи во вистинска несреќа. Меѓутоа, бидејќи авионот морал да лета над населени места, мексиканската влада побарала авионот да биде управуван од тогашниот капетан Џим Боб Слокум, пишува Дејли мејл.
Слокум имал задача да го однесе авионот во дивината и да го остави на околу 12 километри пред местото на несреќата. Тој го напуштил леталото заедно со експерт падобранец.
Боингот 727 полетал од аеродромот во Мексикали на 27 април 2012 година и намерно се урнал со брзина од околу 225 километри на час. Симулацијата покажала дека патниците во предниот дел на авионот најверојатно ќе загинат во вистинска несреќа. Ваков инцидент сериозно би ги повредил и оние кои седеле над крилата на авионот, пренесува „Vecernji.hr“.
Повеќето пробни кукли во задниот дел на авионот останале недопрени, со што се зголемуваат шансите за преживување на патниците кои седат таму во реална ситуација. Околностите веројатно би биле обратни доколку авионот прво удрил со опашката од земјата.
Тестот открил и една загриженост, а тоа е дека евакуацијата во вистинска несреќа може да биде исклучително тешка со оглед на тоа што скршените делови од телото можат да создадат потенцијални опасности и блокади.